Obradoiro Robótica e Internet das Cousas

Temos xa a lista de rapaces e rapazas anotados ao obradoiro. Fixéronse dous grupos: un cos alumnos de primeiro e outro cos de segundo e terceiro.

Grupo 1: sábados 5 e 12 de novembro, de 16:00 a 19:30h

1. Ares García, Brais
2. Ares García, Irene
3. Dell Blanco, Fátima
4. Figueroa Martínez, Antón
5. Magdalena Sánchez, Valentín
6. Rodríguez Rodríguez, Brais
7. Souto Pazó, Daniel
8. Valle González, José
9. Villanueva Torres, Mario

Grupo 2: sábados 19 e 26 de novembro, de 16:00 a 19:30h

1. Barcia González, Roque
2. Carro Viqueira, Álvaro
3. Freire Suárez, Eva
4. Freire Suárez, Rui
5. Hidalgo Gerpe, Óscar
6. López Abad, Víctor
7. Sixto Poulsen, Víctor Sloth
8. Suárez Novoa, Aldara
9. Vázquez Rego, Artur

Para o desenvolvemento do taller, os alumnos deberán levar un portátil, no que deberán ter permisos de administrador para a instalación dalgún programa.

O curso terá lugar nas instalacións da empresa Tesla Technologies & Software, S.L. Rúa Pilar Miró nº6, Santiago de Compostela (de lado do centro comercial As Cancelas).

Sesión coas familias ESTALMAT-Galicia

Hoxe puidemos disfrutar na Facultade de Matemáticas en Santiago da presenza de tres estudantes da primeira promoción de ESTALMAT-Galicia: Iago Velasco López, Alicia Seijas Vázquez e Luis Antonio López Valcárcel.

Alicia, Iago e Luis

Desde AGAES, queremos darlles as grazas pola súa visita e polo tempo que compartiron, xunto con Covadonga, cos pais e nais que asistimos á xornada coas familias.

Iago, Alicia, Luis e Covadonga

Foto de Grupo

Obradoiro Robótica e Internet das Cousas

O próximo 5 de novembro dará comezo o Obradoiro de Robótica e Internet das Cousas.

O custo será de 45€ por alumno, que inclúe a inscripción como socio e o dereito á asistencia ao curso.

Para elo tedes que facer, primeiramente, unha preinscripción. cuxo prazo remata o sábado 22 de outubro. Para iso, podedes devolver asinada a folla de inscripción que se adxunta, mediante correo electrónico ou en man o mesmo sábado 22 na xornada de pais.

Do 24 ao 27 de outubro terá que facerse o pagamento mediante ingreso na conta que figura na folla de inscripción.

Programa ConCiencia 2016: Cédric Villani

A Universidade de Santiago ven de publicar o vídeo da conferencia do Profesor Cédric Villani que tivo lugar o 3 de outubro dentro do Programa Conciencia 2016.

Primeira sesión coas familias ESTALMAT-Galicia

O sábado día 22 de outubro terá lugar a primeira sesión coas familias prevista no calendario de actividades de ESTALMAT-Galicia para o curso 2016/17.

Dará comezo ás 10:35 horas, no Salón de Graos da Facultade de Matemáticas, unha vez que o alumnado de Estalmat entre nas aulas.

Nesta ocasión, tendo en conta que ESTALMAT-Galicia está a cumprir 10 anos, temos preparado unha sesión na que nos visitarán tres estudantes da primeira promoción de Estalmat Galicia que nos contarán a súa experiencia antes, durante e despois do seu paso por Estalmat-Galicia:

Iago Velasco López

de Vigo,  estudante de Ciencias Políticas e da Administración

Alicia Seijas Vázquez

de Lugo,  estudante do Grao en Matemáticas

Luis Antonio López Valcárcel

de Santiago, estudante de Enxeñaría de Tecnoloxías de Telecomunicación

Esta actividade ten carácter voluntario e poden asistir nais/pais e outros familiares acompañantes do alumnado ESTALMAT-Galicia.

Comeza o curso 2016-17 coa X Promoción de Estalmateiros Galegos

Este sábado 8 de outubro , inaguráronse as clases de Estalmat Galicia deste curso 2016-17.  Xa van alá 10 anos. Comeza a X Promoción. Parabéns para esta nova  nova fornada, e por suposto tamén  ós promotores e creadores  deste proxecto recoñecedor e estimulador de talentos matemáticos. 

Algúns dos socios  máis veteranos , case todos membros da directiva de AGAES, xuntámonos na Asemblea Anual para, entre outras cousas, animar os novos estalmateiros a participar na Asociación. Ó rematar, algúns xuntámonos para compartir un xantar "Estalmateiro".

 Aquí deixamos unhas fotos da entrega de diplomas do Open Matemático do curso pasado e da xuntanza .