VII Concurso Incubadora de Sondaxes e Experimentos

A Sociedade Galega para a promoción da Estatística e da Investigación de Operacións (SGAPEIO) en colaboración coa Fundación Barrié, convoca o VII Concurso Incubadora de Sondaxes e Experimentos para proxectos de Estatística e Investigación de Operacións realizados por estudantes de ESO, FP BÁSICA, Bacharelato e Ciclos Formativos de Grao Medio da Comunidade Autónoma de Galicia.

XXIX Open Matemático

Un ano máis o Colectivo Frontera de Profesores de Matemáticas organiza o Torneo Abierto de Resolutores de Problemas, conocido como Open Matemático que, este ano, ten como lema Criptografía e Matemáticas

O torneo vai dirixido, primordialmente, aos alumnos de Enseñanza Secundaria: ESO, Módulos Profesionais de Grao Medio e Bacharelatos, pero está aberto a outros participantes como se recolle nas Bases.

A competición está organizada nun total de 6 xornadas, nas que se lles propondrá aos participantes a resolución dunha serie de problemas. Para as primeiras 5 xornadas establécese un prazo para que os participantes resolvan os problemas na súa casa e fíxase unha data límite para a súa entrega. A última xornada, a 6ª, será presencial.

Na conserxería de cada centro disporase dunha urna para a entrega dos problemas. Os estudantes que participen no programa ESTALMAT-Galicia, poderán entregar os problemas a través do correo electrónico dirixido ás coordinadoras Alicia e Covadonga. Na primeira xornada indicarase cal será este procedemento.

O calendario das xornadas é o seguinte:

Xornada	Datas 2017	Fin prazo entrega
1ª	9 a 23 xaneiro	14:30h do 23 xaneiro
2ª	23 a 30 xaneiro	14:30h do 30 xaneiro
3ª	30 xaneiro a 6 febreiro	14:30h do 6 febreiro
4ª	6 a 13 febreiro	14:30h do 13 febreiro
5ª	13 a 20 febreiro	14:30h do 20 febreiro
6ª	23 ou 24 febreiro	16h-20h concentración

I Xornada Científica UDCiencia-Sénior

Centro de Intervención Cultural NORMAL

A Unidade de Divulgación Científica e Cultural - Cátedra Isabel Zendal organiza o próximo 22 de decembro a I Xornada Científica UDC-Sénior no Centro de Intervención Cultural NORMAL, desde as 11.30 h até as 19.30 h.

Este evento conta coa participación de profesores da UDC e a colaboración da asociación de estudantes udcbigbang.

Durante a Xornada realizaranse talleres científicos de diversas temáticas e terá lugar unha exposición de paneis e fotografía científicos.

UDCiencia na Domus (A Coruña)

Feira Científica

O 17 de decembro de 2016 terá lugar a Feira científica UDCiencia na Domus (Rúa Ángel Rebollo, 91, 15002 A Coruña), organizada pola Unidade de Divulgación Científica e Cultural da UDC - Cátedra Isabel Zendal, e financiada polo Concello da Coruña.

A Feira consistirá nunha serie de talleres interactivos sobre diferentes temáticas, adaptables a todas as idades.

Colabora no evento a asociación udcbigbang.

O evento estará aberto mañá e tarde de 11:00 h a 19:30 h.

Olimpíada Matemática Galega 2017

A Olimpíada Matemática Galega (OMG) 2017 terá lugar o venres, 13 de xaneiro de 2017 na Facultade de Matemáticas de Santiago de Compostela. Podes facer a inscrición online.

LIII Olimpiada Matemática Española

A Real Sociedad Matemática Española (RSME) ven de convocar, para o curso 2016/2017, a LIII Olimpiada Matemática Española (OME).

As Olimpíadas Matemáticas son concursos entre xóvenes estudantes, cuxo obxectivo primordial é o estímulo do estudo das matemáticas e o desenvolvemento de xóvenes talentos nesta ciencia. A competición en si componse de tres fases cun nivel de dificultade crecente, que son: fase de distrito, fase nacional e fase internacional.

A Olimpíada Matemática Galega (OMG) constitúe a fase de distrito galego da OME. As probas, organizadas pola Asociación Eduardo García-Rodeja Fernández, vanse celebrar na Facultade de Matemáticas da Universidade de Santiago de Compostela entre os días 13 e 14 de enero de 2017. Destas probas serán seleccionados ata 3 estudantes para representar a Galicia na fase nacional.

Pode participar na olimpíada calquera estudante de Bacharelato que curse os seus estudios nun centro galego; excepcionalmete poderán participar estudantes da última etapa da ESO que acrediten especiais aptitudes así como integrantes do proxecto ESTALMAT-Galicia.

Imos informar aquí do momento en que os estudantes poidan inscribirse na OMG.