As 4 cartas

Resolve: 

1º- Considera a seguinte afirmación: "Se unha carta ten unha vogal nun lado, entón ten un número par no outro"

2º- Que cartas da imaxe  hai que voltear para comprobar a veracidade da afirmación inicial?

Clica na imaxe se queres face o xogo "en liña"  ( en inglés)

Omino

Clica na imaxe para xogar.

Tipo Tetris. A mecánica do xogo é a de sempre, figuras poligonais van caendo na pantalla de xogo e hai que colocalas de tal xeito que formemos liñas horizontais sen ocos.  Pero a variación radica nas figuras que caen: comezamos xogando con 1-minós, é dicir, simples cadrados, ao pasarmos de nivel xogaremos con 2-minós, i.e., rectángulos formados por dous 1-minós, no seguinte nivel xogaremos con 3-minós, que xa presentan algo de variedade (pezas L ademais de rectángulos con 3 1-minós), no 4º nivel xogaremos cos tetrominós, que é o Tetris usual, e así sucesivamente. Obviamente a irregularidade das pezas nos niveis superiores fará máis complicado non deixar ocos e por tanto "facer liñas".

Xogo da laranxa -The Orange Game

Pai, Fillo e Nai (Tres en raia) - Secretos e estratexias

Xogar en liña

Christmas Tree Napkin Fold

Solsticio de inverno

O inverno de 2014-2015 comezará o luns 22 de decembro ás 0 h 3 m hora oficial peninsular, segundo cálculos do Observatorio Astronómico Nacional (Instituto Xeográfico Nacional - Ministerio de Fomento). Esta estación durará 88 días e 23 horas, e rematará o 20 de marzo de 2015 co comezo da primavera. O día 20 de marzo haberá unha eclipse total de Sol que será visible como parcial dende a península ibérica.

Durante o inverno de 2014-2015, os planetas Venus e Marte seran doadamente visibles mirando cara ao oeste tras a posta de Sol, e Saturno se beira cara ao sur-este antes do amañecer. Xúpiter verase entrada a noite, e o 6 de febreiro estará en oposición, momento no que alcanzará o seu máximo brillo anual e sairá polo leste no momento en que o Sol se poña polo oeste.

O inicio das estacións vén dado, por convenio, por aqueles instantes en que a Terra se encontra nunhas determinadas posicións na súa órbita arredor do Sol. No caso do inverno, esta posición dáse no punto da eclíptica no que o Sol alcanza a súa posición máis austral. O día en que isto sucede, o Sol alcanza a súa máxima declinación Sur (-23 º 27') e durante varios días a súa altura máxima ao mediodía non cambia, e por iso, a esta circunstancia o a chama tamén solsticio ("Sol quieto") de inverno. Neste instante no hemisferio sur iníciase o verán.

O día do solsticio de inverno corresponde ao de menor duración do ano. Arredor desta data encóntranse o día en que o Sol sae máis tarde e aquel en que se pon máis pronto. Un feito circunstancial non relacionado co inicio das estacións dáse tamén nesta época: o día do perihelio, é dicir, o día en que o Sol e a Terra están máis próximos entre si ao longo do ano. É esta maior proximidade ao Sol a causa de que a Terra se mova máis rapidamente ao longo da súa órbita elíptica durante o inverno (segundo a coñecida como segunda lei de Kepler) e polo tanto a duración desta estación sexa a menor.

María Wonenburger - Homenaxeada cunha rúa na Coruña

O 14 de outubro o Alcalde de A Coruña, acompañado da familia de María Wonenburger e de moitos compañeiros de Agapema, inaugurou unha rúa na zona de Vioño (Na Grela)   co nome da nosa recen finada e ilustre compañeira  ( 14 de xuño de 2014) a  matemática galega, María Wonenburger. Unha das pioneiras da ciencia, tanto galega como española.

Coñecer a súa historia nunha entrevista.

Alumna do IES Eusebio da Guardia

Ver plano da rúa

As matemáticas son para sempre

Calendario para o 20015 - Dodecaedro para facer

Un primeiro posto para o ESTAMAT Galego nas "Matemáticas ó Sprint"

Calendario Matemático - Decembro

Ver todo o calendario

Lúa chea

Ver Calendario de Eclipses na NASA

Astronomía en Educa Barrié

Na páxina dos Recursos Didácticos (Proxectos)  de Educa Barrié temos varias Guías Didácticas , unha delas é esta de "Astronomía de Posición", onde se pode descargar en PDF con información e actividades.  Existen moitas máis que se poden buscar por materias:

- Matemáticas     - Coñecemento do Medio  

Outras relacionadas coa Astronomía son:
  -Terra Paralela         - Camiños do ceo        -Contos de Estrelas       - Buscando o Norte      - Astrónomos Esquecidos"         - Encima do horizonte    - Ramón María Aller   ...

A lúa que vimos no obsevatorio J.Mª Aller

Onte sábado 29 de novembro, na primeira, curta e emocionante observación  que puidemos facer porque había algunha nubes, visualizamos e fotografamos cos nosos móbiles a lúa que aquí vedes. Non é que sexan boas fotos pero era o que se vía polo telescopio.

Anders Celsius

Un 27 de Novembro, (Suecia 1701) nacía o que sería un dos máis importantes astrónomos do Século das Luces.
A   Anders Celsius lembrámolo hoxe porrque foi o inventor da escala termométrica máis usada no mundo actualmente. Cada día falamos de Grados centígrados con toda a naturalidade do mundo, como si fora algo que está entre nós dende sempre.
Elixiu como puntos fixos o da fusión do xeo e o da ebulición da agua, tras advertir que as temperaturas ás que se verificaban tales cambios de estado eran constantes a presión atmosférica. Asignou ao primeiro o valor 0 e ao segundo o valor 100, co que fixou o valor do grao Celsius (°C) como a centésima parte do intervalo de temperatura comprendido entre estes dous puntos fixos

Como Pixar usa as matemáticas para que un se enamore das súas personaxes

O verdadeiro segredo desa maxia aparentemente intanxible da casa non está nas artes, senón nas ciencias. Sen a matemática pura e dura, moitas das historias non se terían contado como as coñecemos agora.  A explicación no vídeo está inglés (podes poñer subtítulos). Ler máis

Exposición "Tradición, cambio e innovación"

Este sábado 29 de novembro , ás  11:45 h, todos os que queiramos  de ESTALMAT (grupos de  12 persoas máximo) poderemos asistir no  Centro Social Abanca, na Praza de Cervantes   (Santiago de Compostela)  a unha  variada e interesante exposición de cadros que leva por título 'Tradición, cambio e innovación', unha mostra que reúne máis de cen obras dos seus fondos da colección de arte contemporáneo, entre as que se poden contemplar algunhas asinadas por Castelao, Picasso ou Dalí.

A visita ser guiada e é totalmente gratuita.

Ler máis

"EsTalMat: a nosa esperiencia" - XXVII Congreso de ENCIGA

 Este sábado 22 de novembro no XXVII congreso de ENCIGA  celebrado en Moaña,  presentouse a  comunicación:   EsTalMat: a nosa experiencia. que firmaban: Bárbara Rodríguez Presedo, José Alberto Castellanos, Mariña Fernández González, Oscar Pérez Vila, Marina López Seoane, alumnos de Bacharelato.Alumnos da 4ª promoción de EsTalMat Galicia. A sala estaba chea e había mota expectación por ver o que contaban.  Foi unha estupenda intervención.  Con moita seguridade e simpatía contaron como foi a súa entrada en Estalmat, como foi o día da proba á que asistiron por iniciativa dos seus pais (Marina e Alberto) e do seu profesor (Bárbara) sin pensar en ningún momento que resultarían elixidos e o que supuxo o seu paso por Estalmat: o descubrimento das matemáticas e dun modo distinto de traballalas. 

 Insistiron na diferencia entre as clases Estalmat e as ordinarias no centro que lles resultan as veces un pouco aburridas e con moita repetición de rutinas, falaron das amistades novas que din son "para toda a vida" e da ilusión por un futuro relacionado  coas matemáticas ou a física.

Pero a mensaxe principal que levaban era que o profesorado animara aos seus alumnos a presentarse á proba para que tiveran a posibilidade de participar no proxecto.

Unha sensación moi gratificante para o profesorado de ESTALMAT, e así foi como nolo contou a nosa compañeira, e profesora do ESTALMAT, Covandonga R. M. 

Curiosidades astronómicas

O calendario 2015 das funcións complexas (En Inglés)

A obra de Carlos Maside en Santiago de Compostela

Este sábado a nosa asociación AGAES organiza unha visita guiada ó Centro Cultural Afundación, ás 11:45 h , na rúa do Vilar nº 19 , onde se acolle a mostra 'Maside en Compostela. O testamento pictórico do mestre', un proxecto no que colaboran o Concello de Santiago, a familia de Carlos Maside e a propia fundación. A mostra vén celebrar que toda a herdanza pictórica que Maside deixou a Galicia se atopa xa en Compostela, o lugar no que o artista viviu e no que dispuxo que a súa obra repousase. A través de 31 obras de diversas temáticas, e realizadas con diferentes técnicas que van desde o óleo ata a acuarela pasando pola tinta chinesa sobre pergameo, o proxecto expositivo presenta un percorrido pola obra e vida deste artista de traxectoria singular que se converteu no principal referente ideolóxico da xeración dos renovadores, xa que figura de Maside foi clave no renacemento pictórico galego.

O prezo da visita será  1 € por persoa,   avisar antes do xoves  día 13 do presente ó correo da asociación que está posto no blog (arriba a esquerda)

Ler máis sobre a exposición

Ramón María Aller e as " Estrelas duplas"

Ramón María Aller,  sacerdote,  apasionado da astronomía  e matemático,  deu clases de  Análise Matemática e Xeometría analítica na Universidade de Santiago,  foi o 1º en calcular a órbita de dúas "Estrela duplas" en España. Con estes datos pódese predecir, entre outras cousas, a masa dunha estrela ou  cando vai morrer  dita estrela.

1ª Sesión do Curso Astronomía AGAES

Onte, con moita chuvia e moitas nubes, comezamos o "Curso de astronomía" organizado pola nosa Asociación (AGAES).  Comezamos ollando  as isntalacións do observatorio, recibimos as primeiras nocións astronómicas e contáronnos a historia  deste curioso observatorio, que imos resumir aqui : A Universidade de Santiago de Compostela dispón dende o ano 1943 dun Observatorio Astronómico fundado polo eminente astrónomo Ramón Mª Aller, cando trasladou dende Lalín (Pontevedra) os seus telescopios e libros. Hoxe en día, o Centro está cientificamente xestionado por un equipo de investigación da USC con gran proxección internacional, sobre todo no campo das estrelas dobres e múltiples, e ademais do seu carácter docente ten amplos programas de divulgación para o público.

O Observatorio posúe na actualidade un dos maiores telescopios do estado no ámbito universitario.

Artigos relacionados:
Horario dos grupos 
 Unidade didáctica 
Ramón Mª Aller e as Estrelas Duplas

 NOTA: Se tedes algunha foto o artigo interesante relacionado coa actividade non dubides en notificalo.

Calendario matemático - Novembro

Ver todo o calendario

Días, lugar e horario do Taller de Astronomía

Clica na imaxe para ver o resumo das datas.

 NOTA: No 1º grupo, que entra ás 17:00 h,  están  os alumn@s de primeiro de Estalmat xunto cos pais/nais que se apunten sempre que haxa vacantes no alumnado.

No 2º grupo,   que entra ás 18:15 h están os alumn@s de 2º, 3º e os ex-lumnos de Estalmat.



VER a ubicación do Observatorio Ramón Mº Aller

VER UNIDADE DIDÁCTICA


Artigo relacionado

Unidade Didáctica para o curso de Astronomía

Clica na imaxe para ver a Unidade Didáctica

Xogo dos montóns - Xogos NIM

Un pequeno xogo que ten a súa solución matemática para gañar. Es quen de descubrila?

Equilibrio sorprende buscando ben o centro de gravidade con dous escarvadentes e dous garfos.

Máis Enredos

Maleta viaxeira con libros de matemáticas

Maletas viaxeiras en préstamo temporal aos centros.
Ver Bibliotecas Escolares

Adan Lovelace no o Día da Ciencia en Galego

O 4 de novembro celebrarase o Día da Ciencia en Galego , onde se vai falar , entre outras cousas,  da ciencia da programación de ordenadores.  Unha das persoas homenaxeadas va i ser  Ada Lovelace é considerada como a primeira persoa en describir unha linguaxe de programación, incluso cen anos antes de que se fabricase o primeiro.computador.

Máis na prensa.

Outros relacionados coa programación e con este Día da Ciencia :
  Dennis Ritchie,  Alan Turing,  Richard Stallman

Campamento de Astronomía en Italia (Nos Alpes)

Clica na imaxe para ver o programa e as condicións (en inglés)
- Observatorio da Rexión Autónoma do Val de Aosta localizado en  Saint-Barthelemy 

- Rapaces/as  de 16-18 anos.
- Reamata o prazo da solicitude o 20 de outubro.
- Custa 500 €  (pódese solicitar beca)
- Hai 50 prazas
- A lingua de comunicación será o inglés.

- Ver máis

1ª Asemblea AGAES do curso 2014-15

Primeira asemblea do curso 2014-15. 

 As principais novidades:

 - Acordouse modificar nunha nova asemblea algún dos estatutos da asociación para poder captar máis posibles socios.

 - Valoración da actividade feita ó final do curso en Sevilla co Estalmat desa provincia e con outra Asociación similar de San Petersburgo (Rusia) 

- Integración de dúas nais de 1º na directiva da asociación. 

- Invitación ós novos asociados de participar no mantemento do blog da asociación.

Ver a orde do día

Asemblea Xeral AGAES Curso 2014-15

Ver a convocatoria en Google Drive

Novo boletín de subcripción

Este é novo modelo de subcripción da Asociación Galega de Amigos do Estalmat-Galicia. Atoparase sempre neste blog  na columna da esquerda (arriba).

Taller Teórico-Práctico de Astronomía

Data de comezo.

Co comezo dun novo curso ESTALMAT Galicia a Asociación Galega de Amigos de Estalmat-Galicia (AGAES) e O Observatorio Astronómico Ramón María Aller  organizan o Curso de Iniciación (Telescopios, reloxos de sol, bólidos e meteoritos) para alumn@s e exalumn@s de Estalmat-Galicia.

Lugar: Observatorio Astronómico Ramón Ma Aller (Campus Universitario) de Santiago de Compostela. 

Sesións teóricas - Total: 6 Sesións.  4 teóricas (obradoiros) e 2 prácticas ( de observación) mediante telescopios e a simple vista. 

Material didáctico: Planisferios, unidade didáctica. 

 Preinscrición: Ata o 30 de setembro, por correo electrónico á: amigosdoestalmat.galicia@gmail.com, incluíndo os seguintes datos: Nome e D.I. do pai ou nai; nome, apelidos, idade, e D.I do alumn@
Inscrición: Ata 4 de outubro

Temática do curso:    Os telescopios, reloxos de sol e bólidos serían obradoiros.
É un curso de iniciación á Astronomía con sesión de observación e obradoiros. No cursiño falarase dos obxectos que podemos observar no ceo: a Lúa, os planetas, estrelas, nebulosas, cúmulos, galaxias, ademais do Sol. Farase fincapé na localización de constelacións a simple vista coa axuda do planisferio. En obradoiros temáticos, explicaráse como se monta un telescopio e como se lle pode sacar o máximo rendimento. Unha sesión de observación cos telescopios do Observatorio Astronómico Ramón María  Aller, completará este contacto coa Astronomía de rapaces e rapazas de dos pais e nais.
Desde séculos a Astronomía ten unha estreita relación coas Matemáticas, e hoxendía aínda máis se cabe na súa rama de Astrodinámica, pero tamén en Astrofísica e incluso en Astrobioloxía.
Esta é unha actividade moi interesante para os amantes das Matemáticas.

Apuntate!

INAUGURACIÓN E CAMPAMENTO MATEMÁTICO ESTALMAT-GALICIA 2014.

Programa de Actividades ESTALMAT Galicia 2014-15

Calendario matemático - Setembro

Ver todo o calendario

Calendario matemático - Agosto

Ver todo o calendario

Maryam Mirzakhani (Irán) gaña unha Medalla Fields

A sorpresa para moitos é que foi galardoada, por primeira vez na historia, unha muller: Maryam Mirzakhani, nada en Irán, profesora da Universidad de Stanford, California. Ler máis

Muller escríbese con "i" de igualdade

A principios do mes de xullo deste ano celebróuse en Pontevedra o XXVII Congreso da Rede PEA UNESCO  (PEA: Plan de Escolas Asociadas). Un dos traballos presentados foi o de "Muller escríbese con í de igualdade", onde entre outras, fálanos dalgunhas mulleres que foron "Donas de si" no mundo da Ciencia. 

Clica na imaxe para ver o traballo e a súa   páxina web.

Ver todos os traballos do Congreso

Calendario Matemático - Xullo

Ver o calendario anual

O Observatorio Astronómico Ramón María Aller organiza por quinto ano consecutivo o programa estival de observación astronómica da Cidade da Cultura

Por quinto ano consecutivo, o Observatorio Astronómico Ramón María Aller da USC (OARMA) coordinará a realización dun amplo abano de actividades de astronomía para todos os públicos incluído na programa ‘Verán no Gaiás’ da Cidade da Cultura de Galicia. Ao longo dos próximos tres meses, os venres dende o 4 de xullo ao 19 de setembro realizaranse once sesións de observación nocturna no monte Gaiás nas que as persoas que participen poderán recoñecer constelacións a simple vista e observar a través de telescopios a Lúa, planetas, estrelas dobres, cúmulos estelares ou nebulosas. Concretamente, as observacións están previstas os días 4, 18 e 25 de xullo a partir das 23.00 horas; os días 1, 12, 15, 22 e 29 de agosto dende as 22.30 horas e en setembro os días 5, 12 e 19 a partir das 22.30 horas. A xornada do día 12 de agosto estará dedicada fundamentalmente á observación das estrelas fugaces Perseidas. As actividades de observación estarán acompañadas de informacións de interese, comentarios e anécdotas en relación cos obxectos a observar por parte dos monitores do OARMA, coa finalidade de facer as sesións o mais atractivo posible. As persoas interesadas poderán participar de balde nas actividades propostas previa inscrición na web www.cidadedacultura.org.

Estalmat, algo máis que matemáticas para listos

Whatsapp

Calendario Matemático - Xuño

Ver todo o calendario

Bases, Solicitude e Autorización para participar na III Escuela Internacional de Verano de Matemáticas en Sevilla

ASAEM Thales, en colaboración co Instituto de Matemáticas da Universidade de Sevilla (IMUS) e a Fundación Euler da Universidad de San Petersburgo, convoca a " III Escuela Internacional de verano" a celebrar na Universidade de Sevilla do 1 ao 15 de xullo de 2014. O idioma oficial será o inglés.

 O prazo para solicitalo termina o 31 de maio.

 O alumnado galego será seleccionado por persoal de ESTALMAT-Galicia 

A convocatoria é para os de 2º de Estalmat e Estalmat Pi.

Sés - Milonga de aquí

Candidata ó Premio Leixaprén

Esa lus

Unha canción para o homenaxeado no Día das Letras Galegas 2014 - X. Mª Díaz Castro

 Documental sobre Díaz Castro

Máis sobre Díaz Castro na páxina da CGEDNL

Máis sobre Díaz Castro na páxina  web do CEP Campolongo 

Despedida do curso 2013-14 ( 1º e 2º)

O 10 de maio, clausura dos cursos de ESTALMAT-Galicia pasamos un día con amigos e amigas, así o indica o nome da asociación. "ASOCIACION GALEGA DE AMIGOS..."

O noso agradecemento a toda as persoas que participan en ESTALMAT-Galicia, especialmente as familias socias de AGAES que fixeron deste día un gran día de ledicia.

Merche e Anxo

Calendario Matemático - Maio

Ver todo o calendario