A Rede de Centros Singulares de
Investigación da Universidade de Santiago de Compostela (RCSI-USC)
celebrará o vindeiro sábado 2 de decembro unha xornada de divulgación
destinada ó público xeral para mostrarlle á sociedade o labor de
excelencia científica que realizan os tres centros da rede (CiQUS, CiMUS e CiTIUS),
amosando a calidade dos seus resultados de investigación ó longo dun
percorrido que permitirá comprobar de primeira man o valor engadido que
estes centros están a achegar á mellora da calidade de vida, non só na
nosa contorna máis próxima, senón tamén a nivel global. Entre as
actividades que poderán atopar os visitantes ao longo do día figuran
demostracións con drons, robots, lentes 3D, obradoiros de experimentos
en química e biomedicina, circuítos de xeración de enerxía, teatros
científicos ou charlas divulgativas (entre outras), así como mostras de
tecnoloxías desenvolvidas no marco de traballo dos centros.
Ningún comentario:
Publicar un comentario