Xornada Estalmat-1º en Guitiriz

A pesar de que tivemos unha  poalleira continua, este sábado 25 de xaneiro do 2014, pasamos unha bonita xornada do Estalmat Galicia en Guitiriz. Ó igual que os de segundo, fixemos máis ou menos o mesmo percorrido  durante toda a mañá. Comezamos coa charla de presentación  na Casa Habanera, logo fixemos a  visita á igrexa máis grande do Concello  (Sagrado Corazón de María) , ó reloxo analemático. Faltóunos ver a mezquita de Franco.  Tomamos a parva coa torta ou bica de Guitiriz. Algúns quedamos a xantar no restaurante "La Casilla" e rematamos cun  café no Balneario.            Ver fotos

Penélope

Un paso adiante i outro atrás, Galiza,

i a tea dos teus sonos non se move.

A espranza nos teus ollos se esperguiza.

Aran os bois e chove.

Un bruar de navíos moi lonxanos

che estrolla o sono mól coma unha uva.

Pro tí envólveste en sabas de mil anos,

i en sonos volves a escoitar a chuva.

Traguerán os camiños algún día

a xente que levaron. Deus é o mesmo.

Suco vai, suco vén, Xesús María!,

e toda a cousa ha de pagar seu desmo.

Desorballando os prados coma sono,

o Tempo vai de Parga a Pastoriza.

Vaise enterrando, suco a suco, o Outono.

Un paso adiante i outro atrás, Galiza!

Este foi outro dos poemas que fotografiamos na Casa Habanera nas Xornadas Estalmat Galicia deste curso 2013-14 do homenaxeado este ano no Día das Letras Galegas 2014, Xose María Díaz Castro

Esmeralda

Herba pequerrechiña

que con medo sorrís

ó sol que vai nacendo

e morrendo sen ti,

¿ Por qué de ser pequena 

te me avergonzas ti?

O Universo sería

máis pequeno sin ti!

Foi un dos poemas que vimos do poeta nado no Concello de Guitiriz, Xosé María Díaz Castro.  E que este ano 2014 é o homenaxeado no Día das Letras Galegas.

Novas tecnoloxías na Idade Media

A lenda da Torta de Guitiriz

Unha das cousas que fai tamén curiosa a Torta de Guitiriz,  e a  da súa orixe, pois ten unha lenda particular:

No lugar de O Boedo había unha cidade pola que pasou a Sagrada Familia en busca de acubillo. Chamaron ás portas de varias casas porque chovía incesantemente, pero ningunha llo quixo dar. Incluso un zapateiro arroxoulle unha forma a Xesús. Chamaron entón á porta dunha muller que tiña varios fillos. Todos eles estaban a chorar da fame que tiñan. A muller díxolles que só podía aloxalos pero non darlles de comer. Entón a Virxe díxolle á muller que collese cinzas do fogar e que amasase unha torta con elas. Ao principio, a muller foi reticente, e dicía que non se podería amasar nada cunhas simples cinzas, porque a masa non ligaría. Pero ante a insistencia da Virxe, a muller accedeu a amasar e cociñou unha torta coa que alimentou a todos os presentes. Ante a incredulidade da muller, a Virxe dixo que era tan seguro que aquela torta estaba feita de fariña de millo  como que o lugar de O Boedo desaparecería baixo as augas aquela mesma noite por non darlles acubillo. E así foi, á mañá seguinte todo o pobo desaparecera baixo as augas, ben, todo o pobo non, só quedou a salvo a casa daquela humilde familia. Dise que dende entón se escoitan campás e un ruido que foi esconxurado por un cura; pero aínda hai un sitio ó que lle chaman o "Pozo da Campá".

Receita da "Torta ou bica de Guitiriz"

Nas Xornadas Estalmat de Guitiriz deste curso 2013-14 (1º  e  2º) aconselláronnos probar esta sobremesa especial "A torta de Guitiriz".  A verdade é que, algúns,  levamos  unha sorpresa cando a vimos  por primeira vez na panadería, pois non contabamos  que tivera a forma típica do bizcoito. Semellaba non ter nada especial.

De todos xeitos mercámola para probala e levar unha para ás nosas casas e probala con toda a familia. Nas cafeterías de Guitiriz xa un a pode probar pedindo un café. Sabe a pouco o trozo que lle dan a un, pero xa un comeza a ver algo diferente nesta sobremesa. O millo e a manteiga de vaca fana especial. A textura é moi boa, como podedes ver nalgunha destas fotos.

Logo buscando información da receita atopamos algunhas variantes, aquí  un xa ten que investigar, nós imos poñer a que leva 8 ovos,  que semella ser a clásica, outros  prefiren 6 para que lle caiba comodamente no molde  no molde. A outros chéganlle 3 (ó final do artigo). Tamén hai que lle bota máis de fariña de millo que triga, outros igualan a cantidade, e outros bótanlle máis de trigo. Outra curiosidade é a de non botarlle lévedo (fermento), aínda que si hai quen llela bota. Xa sabemos que nesto da cociña a variedade está na orde do día. Imos xa coa receita desta  riquísima sobremesa:

- 6/8 ovos.

- 250 grs de manteiga de vaca cocida.

- 150 grs de azucre.

- 200 grs de fariña de millo 

- 100 grs de fariña de trigo.
- Un vaso de leite

- Reladura dun limón.

- Azucre glas.

PREPARACIÓN: Nun recipiente mestúranse todos os ingredentes con leite . Remóvese ben a pasta resultante e ponse nun molde previamente engrasado. Se usamos levadura (10 gramos) engádeselle ó final de mesturar todo.

Finalmente métese no forno e déixase cocer e dourar durante 45 minutos  a unha temperatura moderada-alta, co fin de que salga jugosa por dentro.

A festa da Torta de Guitiriz xunto coa da Orella celébrase o 6 e 7 de xuño.

Para rematar coas curiosidades, dicir que  esta "delicate" ten unha historia na súa orixe, "A lenda da Torta de Guitiriz"

Comida en Guitiriz para os de 1º - Lista de apuntados

Apuntados provisionalmente  para o xantar do sábado 25 de xaneiro  ( 1º Curso).
Os que queiran apuntarse, enviar aviso a  aferrer61@gmail.com  (Nito). 

- María S. - 4
- Elena Q. R. - 2
- Antonio (Nito)- 2
- Silvia García - 4
- Sánchez Abelenda - 2

TOTAL: 14

NOTA. Os que se apunten terán que deixar o nome do alumno/a do curso, e  a poder ser, un  teléfono para contactar e comprobar a súa asistencia uns días antes da xornada.

Clasificación XXVI Open Matemático e do Concurso de Beleza

Clica na imaxe para ver a clasificación.

Artigos relacionados:

Ver as preguntas do Concurso

 Ver as solucións dos problemas

Ver artigo anunciador do Concurso




Ver a clasificación do Concurso de Beleza

Solucións a 1ª Xornada do Open Matemático

Ver as preguntas

Ver clasificación

Artigo relacionado

Instrumentos ópticos e astimagtismo

Refracción da luz

Prolóngase o prazo do Concurso Logo/Mascota AGAES

Para dar un pouco máis de tempo o alumnado de Estalmat Galicia  para presentarse o Concurso do Logo ou Mascota da nosa Asociación AGAES  a Dirección  estimou oportuno prolongar  dito concurso ata o vindeiro sábado 25 de xaneiro de 2014

Esperamos que todos vos animedes a participar.

Ver Bases do Concurso

Un matemático nos billetes de 2000 pesetas

José Celestino Mutis (1732-1808), foi sacerdote, botánico e matemático . Traballlou como médico durante catro anos no hospital de Cadiz. Dirixíu a Real Expedición Botánica ao Reino de Nova Granada ( Colombia, Ecuador, Panamá, Venezuela. algo de Perú, Brasil e Guiana).

 A Expedición iniciouse en 1783 e prolongándose durante uns 30 anos.

En Botánica: estudou a flora do seu contorno e fixo unha marabillosa colección de debuxos da flora grancolombiana

En Lingüística: estudou as linguas indíxenas do seu contorno e, entre outras actividades, elaborou unha serie de vocabularios elementais (100 palabras de cada idioma indíxena) por encarga do rei Carlos III. O rei respondía coa súa petición a Mutis á demanda da tsarina Catalina a Grande, que lle pedira vocabularios das linguas faladas en todos os seus reinos para facer un monumental Dicionario de todas as linguas del mundo. Este dicionario publicouse, pero os recompiladores tiveron a mala idea de facelo por orde alfabética, polo que resulta case imposíbel de consultar.

En Tecnoloxía: fixo importantes achegas a procesos industriais, tales como a minaría da prata e a destilación do ron.

Aparte do billete antigo español de 2000 ptas, tamén aparece no de 200 pesos de Colombia

Ver máis

Este venres 17 de xaneiro celebrouse a XV Olimpiada Matemática

Este venres  17 de xaneiro en Santiago celebrouse en Santiago o Concurso da Real Sociedade Matemática Española (RSME) .

A alumna de Cangas do Morrazo Flora Andrea Alonso foi a gañadora na Olimpiada Galega de Bioloxía con só 16 años.

Comenta que utilizaba os vídeos de youtube para ver e aprender como se facían os experimentos.

  Ler máis

II Rally científico e matemático sen fronteiras 2014

Xa está aberta a inscrición no II Rally científico e matemático sen Fronteiras que comezará en marzo de 2014 e que terá a superfinal en Toulouse no mes de maio. Esta actividade ten como obxectivo promover a ciencia e as matemáticas entre os estudantes, demostrar que estes temas non están reservados para a elite, son atractivos e accesibles para todos, favorecer o traballo colaborativo, vivir as ciencias e matemáticas valorando imaxinación, dinamismo e creatividade e abrir as fronteiras e participar xunto nun mesmo concurso de Ciencias e Matemáticas con alumnado doutros países. 

  Ver maís

Concurso da Real Sociedade Matemática Española (RSME)

A RSME vén de facer pública a convocatoria da Olimpiada Matemática 2013-14 para alumnado de bacharelato. Na súas bases establece que excepcionalmente poderán asistir alumnos de 3º e 4º da ESO e os alumnos de ESTALMAT-Galicia matriculados nestes cursos están expresamente convidados a participar. 

As probas iniciaranse xa este venres 17 de xaneiro de 2014 e a inscrición poderá realizar ONLINE no seguinte enlace:  http://www.usc.es/olympia/L/bases.htm

Olimpiada Matemática Galega

Temos de novo outra Olimpiada Matemática, a Asociación Galega de Profesorado de Educación Matemática (AGAPEMA) vén de facer pública a convocatoria da Olimpiada Matemática 2013-14 para alumnado de 2º da ESO. 

Podedes consultar as bases no seguinte enlace: AGAPEMA  

Dado que a selección destes alumnos a realiza o Centro Educativo desde a Asociación queremos recomendarvos que vaiades falar cos profes de matemáticas dos vosos fillos/as para indicarlle que están dispostos a participar sempre que sexan selecionados.

Ver todas as bases para poder participar

Xornada Estalmat-2º Galicia por Guitiriz

Este sábado pasado, 11 de xaneiro, os de 2º de Estalmat Galicia, fixeron a sesión programada no Concello de Guitiriz.   Ós de 1º tócalles o vindeiro sábado 25 de xaneiro. 

O grupo que se animou a participar nas actividades organizadas  enviaron  algunhas  fotos do que podemos ver alí co/a ou sen  guía do Concello.

Entre outras cousas destacamos como curiosidades: O reloxo analemático       e     a  Mezquita da Guerra Civil de Franco para os musulmáns.

Ver as fotos que enviaron os de 2º de Estalmat

Recordamos que aínda podemos apuntarnos (os de 1º)  para a visita e para o xantar do día 25 de xaneiro
Ver o menú.

A mezquita de Franco en Guitiriz durante a Guerra Civil

En Guitiriz unha das sorpresas que podemos atopar é a dun templo árabe para a oración, unha mezquita (a que vedes na imaxe).

Nunha placa explica a súa razón de estar ali :

“El balneario se habilitó como hospital militar durante la Guerra Civil Española (1936-1939). La mezquita se construyó entonces para los combatientes musulmanes que participaron en la contienda.”

Artigo relacionado: Reloxo analemático de Guitiriz

O reloxo analemático de Guitiriz

Un  reloxo analemático  represéntase sempre nunha superficie horizontal. As horas colócanse sobre unha elipse e sobre un analema (figura en  forma de oito) que representa as datas do ano. Non hai gnomón. A sombra proporciónaa a propia persoa situándose sobre o analema no punto que corresponda segundo a época do ano. Esta hora que nos dá ó colocarnos no analema  non coincide coa do noso reloxo de pulseira por dous motivos:

1º - Polo adianto de unha ou dúas horas da hora legal, isto é algo que non afecta ó recorrido aparente do sol.

2º- Cando o sol está no máis alto en Greenwich (Londres) faltan aínda 32 minutos para que cruce o meridiano de Guitiriz.  Un sinxelo cálculo proporciónanos este dato:  360º dividido por 24 horas equivale a 15º /hora.  Polo tanto os case 8º equivalen a 32 minutos.  Isto quere dicir que hai que correxir 1h 32 minutos  máis no inverno e 2h 32 min máis no verán.

Ler máis sobre reloxos de Sol

Artigo relacionado: Mezquita de Guitiriz

Que lado utilizas máis do cerebro?

Curioso test para ver que lado usas máis do cerebro, o esquerdo (reglas,idioma...) ou o dereito (creatividade, intuición ...).
 Clica na imaxe para sabelo.

Novo Concurso "Open Matemático"

Este ano o concurso,  xa na  XXVI edición,  vai adicado ás "Matemáticas cos ollos" , e está  organizado polo Colectivo Frontera de Profesores de Matemáticas.

As instruccións para participar son:

 1.- Escanear os problemas que resolvades, cada un nunha páxina. Mellor en formato PDF

 2.- Envialos por correo electrónico ás direccións das profesoras encargadas do Estalmat no  prazo previsto para a primeira xornada ás 14:30 horas do 20 de xaneiro.

Xúntanse aquí ás bases para participar,  e  a información relacionada coa temática deste ano. Os problemas danse dende o comite organizador do Estalmat.

Tamén, se queres,  na ligazón que segue,  podes facer un test  para ver a túa agudeza visual.

Proposta do Concello de Guitiriz para os pais os sábados días 11 e 25 de xaneiro

Ver máis sobre  ese día  ( O xantar).

Comida en Guitiriz para os de 2º - Lista de apuntados

Apuntados provisionalmente  para o xantar do sábado 11 de xaneiro  ( 2º Curso).

Os que queiran apuntarse, enviar aviso a:    ma-ca@mundo-r.com  (Manuel)

Anxo R.----- 3 persoas

Ana Maria S. -- 3  "

Manuel L. ----- 3   "

X.Antonio ----- 4   "

Mary Conde --- 3   "

Marina Lage ---- 1  "

Familia Bertusi -- 4  "

Ana Arias ---- 4 "

Mª José ----- 3  "

NOTA. Os que se apunten terán que deixar o nome do alumno/a do curso, e  a poder ser, un  teléfono para contactar e comprobar a súa asistencia uns días antes da xornada

PROPOSTA PARA OS PAIS DO CONCELLO DE GUITIRIZ

Ver o listado dos de 1º (o día 25)