A Cátedra Jorge Juan da Universidade da Coruña organizará ao longo da xornada do xoves, 16 de febreiro, o taller Big Data e Exploración Submarina, que terá lugar na Sala Carlos III de Exponav, en Ferrol. Os relatores participantes pertencen á Universidade da Coruña, a Universitat de Girona, o Centro de Supercomputación de Galicia ou empresas de vehículos submarinos españolas e do resto de Europa.
Ademais, estarán representados o Museo Nacional de Arqueoloxía Subacuática, dependente do Ministerio de Cultura, e o Instituto Hidrográfico da Armada. Acudirán pola mañá alumnos da Armada Española e a Universidade da Coruña, mentres que os relatorios e presentacións da tarde, con inicio ás 15:40 horas, ábrense ao público en xeral.
Pechará o calendario Sergio Álvarez Leiva, experto en Big Data e Premio Fundación Princesa de Girona 2016, que intervirá ás 19:30 horas. O World Economic Forum de Davos incluíulle na rede mundial de mozos con maior proxección, mentres que a revista do MIT, o Instituto Tecnolóxico de Massachusetts, elixiulle en 2014 polas súas ferramentas de visualización de datos.
[Descargar Tríptico]
Ningún comentario:
Publicar un comentario